لو كنت يومها جيت تودعني
كنت شفت في عيوني كلام
كنت هتشتريني مش تبيعني
وماكنش هان عليك الغرام
كنت شفت في عيوني كلام
كنت هتشتريني مش تبيعني
وماكنش هان عليك الغرام
إستنيتك قلت هترجعلي
ولا عمر ما هتفرقنا الأيام
ناديتك قلت هتسمعني
لكن صوتي رجعلي اوام
بسؤال دايماً بيوجعني
ولا قدرت تجاوبني الأيام
يا تري كنت بتعشقني
وقلبك كان عايش في الهيام
ولا كنت بتخدعني
وحبك كان كله اوهام
من بعدك الفرح ودعني
والنور في عيوني اصبح ظلام
وقلبك لدنيا غريبه رجعني
لا فيها امل ولا فيها احلام
أعيش والحزن يضيعني
واليوم في الحزن اعوام
ولو الدنيا تسمحلي
أدي لقلبك وسام
في قساوته ومين يمنعني
دا الظلم في الحب حرام
بقلمي
75 التعليقات:
يسعدني انا اكون اول قراءة لكلامك الجميل
كلام معبر جدا
سلمت يداكِ يا لولو
بجد انتي مبدعة
بإنتظار جديدك دايما
أبسط ما يقال
"رائعة"
كلمات مختارة بعناية.. لتصف شعور عميق بالأسى و الحزن
و خاصة آخر 3 أبيات
=====
أعيش و الحزن يضيعني ... و اليوم في الحزن أعوام
و لو الدنيا تسمحلي ... أدي لقلبك وسام
في قساوته و مين يمنعني ... دا الظلم في الحب حرام
=====
بانتظار جديدك دائما يا دكتورة
تحياتي
محمد
:)
ايه الجمال والشجن ده يادكتوره
كلامك جميل وحزين وصعب
بافوعليكي بجد
ياشاعرة المستقبل
تحيتي الطيبه
ياااااااااااااااااااااااااه
كلامات جميله حقا
اسعدنى قراءه كلماتك
دمتى مبدعه
واليوم في الحزن اعوام
الله يا دكتورة
كلمات جميلة رغم حزنها
تحية لقلمك واحساسك
اسوء شء انك تبقي فاكر انك بتتحب وبتتعشق وان اللحظات اللي عشتها كانت اجمل لحظات حياتك وفجأة تحس ان كله ده كان وهم
جميلة الفكرة والكلمات والاسلوب
تحياتي لبنات افكارك
دمتي بخير
الله يعوض عليها :)
حقاً جميلة
تحياتى
ربما هو حب من طرف واحد..
وهذا الأرجح ..شعور قاسي
انك تدي حد مشاعرك كلها في الوقت
اللي متلاقيش اي مقابل ليها منه
حسيتها جدا
تسلمي يا دكتورة
تحياتي ليكي
هايلة ومبدعة دائما يادكتورة نهى كلمات تمس القلب دمتى مبدعة
وفى انتظار جديدك يا شاعرتنا الجميلة
انا اسفة يا دكتورة ولاء انى غلطت فى الاسم معلش اصلى بكتب التعليق
وانا نايمة اقبلى اعتزارى
وعايزة اعرف كل لما ادخل المدونة واكتب تعليق الاقى رسالة بتقول
انى فى فيرس فى الصفحة واحاول اكتب بسرعة لان صفحتك بتتقفل على طول
يا ريت تعالجى الموضوع دة ومعلش طولت عليكى واوعى تزعلى يا قمر
لاملام طبعاً
اصعب شى على الانسان ان يجرح مما احب
ان اشعر بعد كل هذا الحب اننى وببساطة لا اعنى شى عند من احببتهم واخلصت لهم
ولو الدنيا تسمعنى
ادى لقلبك فى قساوته وسام
ومين يمنعنى
دالظلم فى الحب حرام :)
ملحوظة
عذراُ
لتبدديلى بعض الكلمات
رايتها كذلك ارق
تحياتى
اصعب شى على الانسان هو
الشعور بالتجاهل من المقربين
ان نجرح من احبونا
هوتجسيد لمعنى الظلم
ولو الدنيا تسحلى
ادى لقلبك فى قسوته وسام
ومين يمنعنى
دى القسوة فى الحب حرام :)
عذراً
لاننى بدلت مواقع الكلمات
احسستها هكذا افضل
تحياتى اليكى
@وداد
انا كمان سعيده يا دودو انك اول تعليق
اشكرك يا حبيبتي لزيارتك الجميله
@MTMA89
الاروع هو تعليقك وزيارتك يا محمد
شرفتني بزيارتك الكريمه
@سواح في ملك الله-
للاسف يا سواح الشجن والحزن اصبحوا ملازمين لينا
اشكرك على اطرائك الكريم
@mrmr
حبيبتي مرمر انا سعيده ان كلماتي عجبتك
اشكرك يا حبيبتي لزيارتك وتعليقك
@Ms Venus
اهلا بيكي يا فينوس
انتي الاجمل يا حبيبتي والله
اشكرك لزيارتك الجميله
@سندباد
فعلا يا سندباد اصعب شئ اكتشافك ان كل المشاعر دي كانت مجرد وهم
اشكرك كثيراً لتعليقك الذي يسعدني دائماً
نورتيني
@Dr Ibrahim
اشكرك د ابراهيم لزيارتك وتعليقك الكريم
@Samoura
صح يا سموره هو كان باين انه حب من طرف واحد
وان كل المشاعر كانت بتترمي على الارض والطرف الاخر غير شاعر بيها
اشكرك يا سموره لتعليقك واحساسك بالكلمات
@هبة فاروق
ولا يهمك يا هبه كلنا بنغلط يا حبيبتي
اما بالنسبه للفيروس ده اول مره حد يقولي كده
وانا كمان بفتح المدونه في اكتر من مكان ومفيش فيروسات عندي
حاولي تشوفي الجهاز عندك او ممكن يكون برنامج الانتي فيروس معتبر كود معين في الصفحه انه فيروس
على العموم لو لقيت حد بيشتكي تاني من الموضوع ده هشوف في ايه
اشكرك يا حبيبتي لتعليقك وزيارتك الكريمه
@عباس ابن فرناس
صح يا عباس
تجاهل مشاعرنا هو الظلم بعينه
اما بالنسبه لتبديل للكلمات
البوست كله تحت امرك بدل براحتك
اشكرك لزيارتك وتعليقك يا عباس
بها شجن :)
اللـــــــه بجد ما اروع كلماتك واحساس قلمك
دكتورتى الجميلة .. طابت لى الاقامه بين سطورك
لأنهل من همس نبضك الحنون
فين واجب التدوين ياقمر
اوعى تقولى انك عملتيه من زمان
طب هو فين عشان اقراه
لو مش حابه فوضي حد بدلك ياقمرى
كوني بخير
@أحمد شريف
اشكرك يا احمد على مرورك وتعليقك
@اسماء عبدالعزيز
حبيبتي اسسماء
بجد انا سعيده ان كلماتي عجبت اديبه ماهره مثلك
اما بالنسبه للواجب
هكتبه ان شاء الله
ولو غيرت رأيي هفوض حد غيري متقلقيش
تسلم ايدك بس انت اللي غلطانه سلمتي قلبك لواحد ما يستاهلش غرامك عيشي النهارده وابني على امجاد الماضي ذكرى قديمه ودنيا جديده فيه الحب والتقدير وهتلاقي اللي يقدرك ويحترمك ويحطك في عنيه
تقبلي تحياتي
@eng_semsem
اشكرك يا اسامه لتعليقك
الحكايه مش حكاية مين اللي غلطان
كل الحكايه ان كل اللي بيحصل قسمه ونصيب ومكتوب
اشكرك لزيارتك وتعليقك الكريم
اول زياره عن جد مبسوطه اوى
بساطة الكلمات .. رقة قالب المدونه نفسه
لتسمحى لى ان اكون دائما فى ضيافتك
زهراء
اصعب احساس فعلا انك تبكي علي لحظة جميلة عشتها بقت ذكري
رائعة بجد تسلم ايدك
@لـــولا وزهـــراء
اهلا بيكي يا حبيبتي
انا سعيده جدا بزيارتك وتعليقك الرقيق
وشرف ليا انك تتابعي المدونه
دمتي بخير
@karmen
صح يا كارمن البكاء على الذكريات الجميله شئ صعب اوي
اشكرك يا حبيبتي لتعليقك وزيارتك الجميله
إيه الكلمات المعبرة الجميلة جدا دي
عاشت هلأيادي يلي كتبتهم
وسلمت من كل مكروه
تقبلي مروري غاليتي
تحياتي وإحتراماتي....
@bride ghost
اهلا بيكي يا حبيبتي
نورتيني ومشكوره على تعليقك الجميل
@Mohamed Amer
اهلا بيك يا محمد نورت المدونه
حلو اوى اوى اوى اوى
تسلم ايدك وتسلم ابداعك
ودايما كده بتشرح قلبى فى الحزن وفى الفرح
تقبلى مرورى
كلام جميل
ومعبر هن حالة من حالات العشق التى تكون فى حياة الانسان
ورد فعل ايجابى
تسلم الايادى ولاء
مع خالص تحياتى
@BNT ELISLAM
انتي الاحلى يا حبيبتي والله
نورتيني ونورتي المدونه بتعليقك الرقيق
@Tamer Nabil
اشكرك يا تامر لزيارتك وتعليقك الذي اسعدني
نورتني
رووووووعه بجد
احساسك مرهف جدا
وكلماتك فاقت الوصف
بقيت مدمنه على مدونتك
يسلم احساسك ياعمرى
تحياتى
@جايدا العزيزي
اهلا جايدا حبيبتي
زيارتك الاروع يا حبيبتي وكلامك اعتز بيه
بجد سعيده ان ما تحتويه مدونتي راق لكِ
دمتي بخير يا حبيبتي
فعلاً الظلم ف الحب حراام
بس مين بيقدر كده
عارفه ؟ هى ليها حق تتجرح وتتعب .. لكن فى نفس الوقت مادام هو قسى عليها اوووى كده ليه هى ماتبقاش اقسى ؟
هو قدر يتركها لعذابها .. يبقى مايستاهلش حبها
تحياتى ليكى
دمتى بكلللل خيييييير وود
@دعاء العطار
انا معاكي يا دعاء
بس انتي عارفه البنات مبيعرفوش يقسوا للاسف
اشكرك يا حبيبتي لتعليقك الرقيق وزيارتك
نورتيني يا دودي
عزيزتي
كلمات راقية تنم عن الانفة والكبرياء الجروح ابعت في توصيل مشاعرك الصادقة
تحياتي لك عزيزتي
@شهر زاد
اهلا بيكي يا شهرزاد
اشكرك يا حبيبتي لزيارتك الجميله وتعليقك الاجمل
الظلم فى الحب حرام
عنوان يجمع كثير من الحروف وكلها تلتف حول معنى منفرد
عندما يجمع الحب قلبين فى ود والفه وبناء كيان
فاءن حدث الفراق يكون هناك شطط لمفرادت العقل وحسرة داخل القلب وتفكك اوصاله وعناوينه
ولكن الحب كانت له مراسم عديدة من البمسات استمتع بها المحب والمحبوب
فاءن حدث يوما ما يعكر ماء الحب العذب ويطفىء حرارة الاشيتاق
تاءتى الكثير من اطروحات الفكر وتتناثر الكلمات
لتعبر عن تلك الحالة وما يدور فى الخلد فيها
ولكن من بعيد يجب ان تطل نوافذ اخرى للمرور من نفق ذلك الهبوط المفاجىء الى رحابة الحياه من جديد
احسنتى سيدتى فى التعبير وانتقاء الكلمات التى عبرت عن حالة تكاد يتعرض لها المحبين فى كل اللحظات
خالص التقدير
@SHAPE YOUR LIFE (ABOALI)
بل احسنت انت يا ابو علي في تعليقك
الظلم في الحب حرام وخصوصاً لما يكون في مشاعر صادقه من احد الطرفين
بغض النظر سواء كان هذا الحب من طرف واحد ام لا
اشكرك يا ابو علي على تعليقك الكريم
نورت المدونه كلها بزيارتك
ليه الحزن ده ياقمر بس حلوة أوى كلام بسيط ومعبر جدا- تحياتى يادكتورة
@Mona
يا منى هو احنا ورانا غيره هههههههه
نورتيني يا حبيبتي بتعليقك وزيارتك الجميله
تسلم ايدك يادكتورة
كلمات جميلة
تقبلي مرورى
@Haytham Alsayes
اشكرك يا هيثم لتعليقك وزيارتك الكريمه
الظلم حرام دائما
@sal
فعلا الظلم حرام
مشكور سال على مرورك وتعليقك الكريم
اعجبتني الابيات
وحسيت وكأني استمع لأغنيه جميله
كلمات موسيقيه
تحيه يادكتورتنا^^
@crazy in freedom
اشكرك يا حبيبتي لتعليقك وزيارتك الجميله لمدونتي المتواضعه
ارجو ان لا تكون الزياره الاخيره
لاادري لماذا
دائما تكررين جملة ""مدونتي المتواضعه
في ردك الاول على تعليقي الاول في هذه المدونه
وفي ردك هذا على تعليقي الثاني في مدونتك
تقولين مدونتي المتواضعه
شخصيا لااراها متواضعه^^
بالعكس مميزه وجميله
وانتي نشيطه فيها وتبدعين وتنوعين المواضيع
بشكل عام ليست متواضعه
_______
اكيد لن تكون زيارتي الاخيره
وهي ليست الاولى
كلما اشتقت للجمال سأزورك
تحيه قلبيه
@crazy in freedom
والله يا حبيبتي بالنسبه للجمال اللي بشوفه في مدوناتكم بعتبر مدونتي متواضعه جدا
لكن كلامك اعتبره شهاده اعتز بيها
والحمد لله انك رجعتي عشان اقولك اني دخلت مدونتك وعجبني اوي اول بوست فيها
لكن مش عارفه ليه مش عارفه ابعت فيها اي تعليق
بسم الله والصلاة علي رسول الله
أهلا بالدكتوره الشاعره..
أنا كنت عايزه م الدنيا طرحه
أنا كنت عايزه م الدنيا فرحه
أو دقة قلب وبسمه حلوه من عنيك
ما تقول سايبني لمين بعديك...
أنا بزعل لما بيفوتني بوست من بوستاتك الرائعه لكن النت وعمايله والمره دي أنضاف عليه النور والتليفون الكل فصل لالتبادل.
سلمت يداكي
@خيط الحرير
حبيبة قلبي وحشاني والله
الله يسامحه النت اللي بيبعدك عننا
نورتيني يا حبيبتي
متنسيش تكمليلي القصه الله يكرمك ^-^
من عاداتي ان لا اقرأ الكلام واقول جميل وروعة وخلاص
لاء
بحب احس الكلام واعبر عنه من جوايا بصدق
كلامك وجعني ...
ومش عارفة اقول غير ده
يمكن عشان حاجات كتيرة
@re7ab.sale7
بعتذر لألمك يا رحاب يا حبيبتي
بشكرك لزيارتك وتعليقك الجميل وربنا يبعد عنك اي حزن
بجد
حساكي قوي
تسلمي من كل شر يارب
كلمات جميله جدا يادكتوره
أحييكي عليها
دمتي مبدعه
^^
سعادة الدكتورة ولاء أسعدك الله
كلماتك لامست شغاف قلبي بصدقها وسلاستها
فقد كتبت تعليقا (بالعبرات) ولكن ساح وأنصهر على الخدين
فلم أستطع أن ألملم حروفي لأصيغ منها تعليقا لخاطرك الصادقة
فعندما تكلم ممن تحب وتخدع ممن تثق وتنزف ممن جرى حبه في دمائك
حتى تشرب به ومزج في خلاياه وأصحت فصيلت دمك بإسمه....عندها تتعطل جميع الحواس وتعرف عندها أنك منحت(الحب )لجماد لا يملك إحسااااااااااااااااس.....
(همسة ) :
قال علي بن فضال المجاشعي :
وبتصرف وتحوير
و( أحبابا ) حسبتهم دروعا ×××× فكانوها ولكن للأعادي
وخلتهم سهاما صائبات ×××× فكانوها ولكن في فؤادي
وقالوا قد صفت منا قلوب ×××× لقد صدقوا ولكن من ودادي
( إشراقة ) :
ومع ذلك يا أيتها الدكتورة الفاضلة أسعد الله أوقاتك
لنعلم علم اليقين أن المؤمن عليه:
أن يسعى إلى الخير جهده *** وليس عليه أن تتم المقاصد
وأن يتوكل على الله، ويبذل ما يستطيع من الأسباب المشروعة، فإذا وقع شيءٌ على خلاف ما يحب،فليتذكر هذه القاعدة القرآنية العظيمة: {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.
وليتذكر أن (من لطف الله بعباده أنه يقدر عليهم أنواع المصائب، وضروب المحن، و الابتلاء بالأمر والنهي الشاق رحمة بهم، ولطفاً، وسوقا إلى كمالهم، وكمال نعيمهم)(1).
ومن ألطاف الله العظيمة أنه لم يجعل حياة الناس وسعادتهم مرتبطة ارتباطاً تاماً إلا به سبحانه وتعالى، وبقية الأشياء يمكن تعويضها، أو تعويض بعضها:
من كل شيء إذا ضيعته عوضٌ *** وما من الله إن ضيعتهُ عوضُ
أعتذر عن الإطالة وقد يكون كلامي مبعثر وغير مرتب ولكن ....
قرأت وتأثرت وخرجت دون تعليق
ثم هدأت نفسي بعد قطعت مسافة أكثر من ألف كيلوا متر بالطائرة
عدت وفتحت الجهاز وقرأت وتأثرت أيضا ولكن علقت ....
والعذر مرة أخرى للإطالة.
دمت بسعادة وعافية
أخوكم طفل النبع
الله ما أجمل كلماتك بالرغم إنها تعبر عن الحزن والألم
الذى يعانيه الإنسان للحساسه بإنه كان مخدوع في الحب
شكراً لقلمك الرائع وتعبيرك الجميل
@sony2000
اشكرك يا حبيبتي لزيارتك وتعليقك الجميل
@قلم رصاص
اشكرك قلم لزيارتك الكريمه وتعليقك الاجمل
@طفل النبع
الاخ الفاضل طفل النبع
شرف ووسام لي ان تعجبك كلماتي
وكم اسعدني تعليقك كثيراً وهمساتك ونصائحك
المدونه ازدات إشراقاً بمرور سيادتكم وتعليقكم الكريم
ارجو دوام التواصل
@tote soly
انتي الاجمل يا توتي
اشكرك يا حبيبتي لزيارتك وتعليقك الجميل
كلمات اكثر من رائعه..
صادقة .. وصلت الى قلبي سريعا..
كم هو الحب مؤلم عندما يهدى لمن لا يستحق
دمتي بود .. غاليتي ^^
@P!ИЌ AИğΣĹ
اهلا بيكي يا حبيبتي
نورتيني واشكرك على تعليقك الجميل
جميل هي هذه الاحاسيس التي سطرت هذا الكلام
@انسان
اشكرك إنسان لتعليقك وزيارتك الكريمه للمدونه
نورت المدونه
كلامك جميل يا د ولاء
فعلا جميل ربنا يرزقك بالحب الحقيقي يارب
@صبح
انتي الاجمل يا حبيبتي
اشكرك لتعليقك الرقيق
ملحوظة: يمكن لأعضاء المدونة فقط إرسال تعليق.