فات أد إيه علي جرح قلبي منك
كلها شهرين ويكونوا عامين
قلبي وقلبك كانوا قلب واحد
بعد الفراق اصبحوا قلبين
قلب عايش سعيد ومتهني
وقلب تاني بينزف وحزين
قلبك حاربت كتير عشانه
وقلبي قتلته بإيديك الإتنين
كان ليه حبك وهمتني بيه
وعيشتني علي أمل طول السنين
كان حبك ورده حبيت عطرها
لكن في نهايتها كان في سكين
سكين جرحني بكل أنانيه
جرح ما تقدر تداويه السنين
وكتير بفكر لو يوم قابلتك
يا تري هتسألني إنتي مين؟؟؟
ساعتها هرد عليك وأقولك
انا واحده كان بينك وبينها حب وحنين
فاكرها ولا ناسيها
ولا دا كان حب ومات من سنين
فاكرني ولا ناسيني !
والله ما تفرق معايا الإتنين
لأني ببساطه عايشه بين الناس
ميته زي كل الميتين
إمشي وإفتخر بين الناس
وقول تعالوا وشوفوا بعينيكم الإتنين
شوفوا البنت اللي بتبكي وتتألم
وتقول بدل الآه آهيين
دي زمان ظلمتها وجرحتها
مش جرح واحد لأ جرحين
كتبتها : د/ ولاء صلاح
