الخوف!!!!!!!

الخوف جوايا ومش بإيدي

الخوف جوايا مالي الضلوع

الخوف جوايا بيجري في وريدي

زي المطر زي الدموع

يموت سعادتي ويجعل سنيني

ورده دبلانه وطير موجوع

إكسر الخوف وإصرخ وجيلي

إصرخ وقول بصوت مسموع

تعالي شوفي شوقي وحنيني

تعالي وقول الحزن ممنوع 

تعالى وخلي الحزن في عيني

ورد وسعاده وفرحه وشموع

تعالى وخلي الفرحه طريقي

طريق أمشيه ومن غير رجوع


بقلمي

يا عيوني..........

يا عيوني روحي لحبيبي وعرفيه
 

إزاي حبه جوايا مدوبني

وقوليله بحلم بيوم اشوف فيه

قلبه يضم قلبي ويسعدني

يبدل حزني ويخليه

دواووين حب ومنه يعلمني

وياخد ورد قلبي ويسقيه

ومن حبه وحنانه ما يحرمني

عارفه إني في قلبه ساكنه فيه

لكن سكوته مخوفني

خايفه حبه يروح لشمعي ويطفيه

واعيش من بعده في جرح تاني يألمني

يا دنيا قلبي طمنيه

وقوليلي إن حبه عمره ما يظلمني

ولو حبه وهم إبعديه

قبل ما في بحر حبه يغرقني

دا حبه غالي وما يكفيه

كلامي عن شوقي اللي معذبني

لكن بحبه وبموت فيه

حتى لو الزمن منه هيحرمني

هرضى بعذابي واعيش فيه

دا حتى عذابه بيسعدني

يا حبيبي شوف قلبي واللي فيه

وتعالى قولي وطمني

بتحبني وحبي حاسس بيه؟؟؟؟؟؟

ولا الدنيا من تاني هتظلمني !!!!!!!!!!!!!!!!

بقلمي