فوائد
تأخر الجواز ...اه والله تصدقوا طلع له فوائد
الجزء
الأول
السلام
عليكم ورحمة الله وبركاته
هكلمكم عن موضوع جميل اوي
فوائد تأخر الجواز
وهتكلم عن نقط كتيره وانا متأكده إن بعد كلامي ناس كتير هتحسدنا على الفوائد دي
وبمناسبة
الحسد اول نقطه هتكلم فيها هى /
الحسد
طبعاً عارفين إن في ناس عينهم تتدب فيها رصاص مبترحمش ومش بيسيبوا حد في حاله
إحنا الحمد لله هنرتاح من عيون الناس دي
هقولكم
إزاي !!!!!!!!!
طبعاً لو واحده سنها صغير إتجوزت إسمعوا بقى العجب العجاب من الكلام اللي بيتقال عليها
شوفي يختي البت لسه مطلعتش من البيضه وإتجوزت
يا نهار أبيض دي إتجوزت
دي
لسه عيله وإتجوزت
وهكذا من قاموس الحسد
وهكذا من قاموس الحسد
اما إحنا بقى ما شاء الله علينا شوفوا الكلام اللي هيتقال علينا لما نتجوز إن شاء الله بس خلوا بالكم من الفرق
يااااااااااااه أخيراً الحمد لله إتجوزت
الحمد لله إن ربنا فك عقدتها وإتجوزت
ربنا عوض صبرها خير وإتجوزت
شفتوا الفرق مفيش حسد
التعليم
والوظيفه
طبعا عشان نخلص من كلام الناس اللي مبيرحمش
كل
واحده بتطلع همها في حاجه
الموظفه تلاقيها بتطلع همها في الشغل وبتحاول تثبت للكل إن مش همها تأخر الزواج
وبردوا
اللي بتكمل دراسات عليا نفس الحكايه وبنوصل ما شاء الله لمراكز عاليه
وأهي
فرصه نلاقي حاجه نكتم بيها بق الناس اللي بينقط عسل لما يشوفنا ويقولولنا
ليه
ما اتجوزتوش لغاية دلوقتي
وطبعاً
ردنا بيكون
أصلي بحضر الدكتوراه يا طنط ومش فاضيه
وإحنا
طبعاً من غيظنا في سرنا بنقول
وإطلعي
من دماغي وإمشي من وشي بدل ما أحضر فيكي جريمه قتل
المكافئات والمكاسب
بما إننا كبار في السن يبقى إحتمال نتجوز ناس كبار في السن بردوا
(شفتوا النباهه )
فهيكونوا قربوا على حالتين :
1- يا يطلع على المعاش وإستمتعي بقى يا قمر بفلوس مكافأة المعاش
2-
يا يطلع على السريع وياخد إستماره 6 وهنيئاً لكي بالميراث
(بعد
الشر طبعا يعني أخرتها نترمل بعد الصبر ده كله)
تنوع الدعوات
إحنا طبعاً مش ورانا حاجه
فتلاقينا لو مثلا شفنا موبايل حلو وجديد بندعي يارب اشتريه
لو شفنا لبس حلو تلاقينا بندعي يارب يجيلي فلوس عشان اشتريه
لو شفنا قصة حب ندعي ونقول يارب أنا كمان اعيش قصه زييها
لكن البنات الوحشيين خالص اللي اتجوزوا بدري معندهمش غير دعوه واحده بس
يارب خدني وريحني بقى
الناحيه الصحيه
طبعا إحنا عارفين إن بعض الرجاله بيعايروا بعد الجواز لو الست مرضت
لكن إحنا الحمد لله مش هنلاقي المشكله دي لو إتجوزنا
ليه بقى هقولكم !!!!!!!!!!!
إحنا لما نتجوز هنتجوز واحد مثلاً عنده 40 – 50 – او 60 سنه
إحتمال كبير يكون عنده سكر أو ضغط وما خفى كان أعظم
يبقى هنمشي على مبدأ
لا
تعايرني ولا أعايرك الهم طايلني وطايلك
معايرة إيه !!!!!!!!!
مفيش
مجال للمعايره اصلا
إحنا
هندخل إحنا الإتنين مهكعين
يبقى
هنعاير إيه بقى !!!!!!!
الأدويه
هيكون
عارف الأدويه اللي ممكن تحتاجيها
يعني
مش هتحتاجي تشرحيله ده دوا الضغط وده دوا السكر
ماهو معاه اصلاً أدويه زيهم
يبقى
متخافيش هتريحي دماغك من الشرح
الجهاز
طبعا إحنا جهازنا اكتر من أي واحده إتجوزت في سن صغير
تخيلوا مثلاً إننا بنجهز وإحنا عندنا 20 سنه
لو واحده اتجوزت وهى عندها 22 سنه يعني جهزت سنتين بس
لكن إحنا ما شاء الله بقالنا سنين وسنين بنجهز
يعني ممكن بجهازنا نفتح سوق بحاله
مش هيبقى عندك حماه
ما هو بالعقل كده إحنا ممكن نتجوز واحد عنده 40 او 50 او 60 سنه
هتكون مامته لسه عايشه
لا طبعا
دا يمكن يكون هو اخر واحد فاضل في عيلته
يعني هترتاحي من قرف الحماوات ومشاكلهم
لكن البنات الوحشيين خالص اللي اتجوزوا بدري شوفوا يا عيني مواضيعهم عن الحموات كلها دعوات على حماواتهم
اللي بتدعي وتقول
منك
لله يا حماتي
واللي اشوف فيكي يوم
وهكذا
تعيشي براحتك وبدون ما حد يعكنن عليكي
الاكل
تاكلي براحتك ومتلاقيش واحد باصصلك في اللقمه اللي بتاكليها وكل شويه يقولك
انتي مش شايفه نفسك تخنتي قد ايه
ولا مثلا تلاقيه بيقولك
انتي مال وشك اصفر وباهت كده ليه امال لو كنت مجوعك كنتي عملتي ايه
اللبس
تلبسي اللي انتي عايزاه
تلبسي نقاب - بنطلون- جيبات
اي حاجه من غير ما تلاقي واحد طالع زي الاشكيف يخوفك
ويخلي
شعر راسك يقف من شكله ويقولك
ايه
اللي انتي لابساه ده ادخلي غيريه
النوم
تنامي وتصحي وقت ما تعوزي
متلاقيش واحد بيصحيكي من عز نومك عشان يقولك
عايز اشرب
(ال يعني هيحصله حاجه لو راح وجاب
لنفسه يشرب)
ولا بيسألك عن شراباته فين
(وهو اصلا حاططهم بإيده في الدولاب)
بس ازاي يتعب نفسه ويجيبهم
امال الخدامه الفلبينيه اللي جايبها بتعمل ايه
الخبره في الحياه الزوجيه
من كتر طبعاً قعدتنا على النت وفي البيت ومع زمايلنا المتجوزين بقينا خبره في كل حاجه تخص الجواز
إحنا خلاص بقينا معاجم ماشيين على الأرض
يعني خلاص بقينا عارفين ازاي نتعامل مع ازواجنا
إزاي نستحمل عكننتهم وطلباتهم
إزاي نغلس عليهم لما نحب ننتقم منهم
إزاي نخليهم يطفشوا من البيت
إزاي نقتلهم ونخفي الجريمه
(مش قلتلكم خبره)
لكن البنات الوحشين خالص اللي بيتجوزوا بدري طبعا بيكونوا لسه معندهمش خبره خالص عشان كده بتكتر عندهم المشاكل
التواصل الاجتماعي
بمعنى إن سيرتك هتبقى على كل لسان
(إحم
إحم انا اقصد بكل خير طبعاً صفوا نيتكم)
يعني تلاقي كل بيت يعرفك يجيب سيرتك
مثلا في واحده بنتها هتتجوز تلاقيها أول ما واحده تروح تباركلها تسألها
هى
فلانه بنت فلانه يختي لسه متخطبتش ؟؟؟؟؟؟؟؟؟؟
تقوم التانيه تقولها والدمعه هتفر من عينيها
لا
يختي لسه !!!!!
تقوم هى ترد عليها وبردوا الدمعه هتفر من عينيها
يارب
يرزقها يارب!!!!!
وفي العزاء
واحده
تقابل واحده وتعزيها وفي وسط الكلام بردوا نفس السيناريو
حتى في السوق
تلاقي
واحده تقابل واحده وتقولها
شفتي
كيلوا الطماطم بقى بكام !!!!!!!
تقولها
اه
يختي غلي اوي
تقوم التانيه ترد عليها
اه
ربنا ينتقم منهم غلوا كل حاجه وبالمناسبه
هى
فلانه بنت فلانه لسه متجوزتش
مش عارفه إيه العلاقه بصراحه بس المهم إننا بنتذكر بكل خير
تجنب الاخطاء والوقوع في الذنوب
طبعا من اللي بنشوفه من كلام الناس ومن مص الشفايف والمزمزه والتلقيح بالكلام في الأفراح ومن الهروب من كلمة عقبالك اللي بنبقى عارفين انها بتساوي بالظبط
عقبالك
بقى لما ربنا يفك عقدتك يا بايره يا معنسه يا اللي مش لاقيه حد وهكذا
بطلنا نروح أفراح وبطلنا نروح أي مناسبات عشان يرتاحوا
وبكده مش هنرتكب اي ذنوب
لان
في الافراح في اغاني وإختلاط
يبقى
الحمد لله جت من عندهم
التجاوزات اللي بتحصل بين المخطوبين
إحنا عارفين كل ما فترة الخطوبه بتطول كل ما التجاوزات دي بتكتر
احنا بقى لا
الموضوع
عندنا بيختلف
اصلاً مفيش فترة خطوبه
خطوبة إيه !!!!!!!
هو
إحنا لسه هنقرأ فاتحه وخطوبه وشبكه وكتب كتاب ودخله
إمتى ده؟؟؟؟
هو
يوم خطوبه واللي بعده كتب كتاب ودخله وإقلب
هو
إحنا فاضيين للمراحل دي
الزهد في الحياه
خلاص من كتر اللي شفناه بقينا زاهدين في كل حاجه
هتجيلك شبكه بعشره جنيه (حاضر)
هتسكني في شقه من غير حمام (حاضر)
مفيش فرح (حاضر)
وخصوصاً لو العريس إنسان كويس يبقى هو كل دنيتنا
(شفتوا
الرومانسيه مش قلتلكم خبره )
الموضوع طبعاً للهزار يا بنات ولينا لقاء مع الجزء التاني من
الفوائد
